Әкені көріп ұл өсер, Шешені көріп қыз өсер.
***
Әкелі жетім анық жетім, Шешелі жетім жарым жетім.
***
Әкемнің аты шапқан сайын өрлейді.
***
«Әкем бар» деп мақтанба топқа түсері жоқ болса.
«Балам бар» деп мақтанба жаман туған боқ болса.
«Ағайыным бар» деп мақтанба дос-дұшпаның келгенде қарасуы жоқ болса (Төле би).
***
Әкем маған ат берді, «далақта да шап» деді.
***
Жақсы әке жаман балаға, Қырық жыл азық.
***
Сайына қарай — саласы, Әкесіне қарай — баласы.
***
Әкемнің өлерін білсем, Өнерін сатпас па едім.
***
Әкесі құрдастың, баласы құрдас.
***
Әкемнің шоты аса-аса тиеді.
***
Әкенің жақындығы жездедей-ақ.
***
Әкең бермегеңді базар береді.
***
Алты аға бірігіп әке болмас, Жеті жеңге бірігіп ана болмас.
***
Әке балаға қарыз, Бала далаға қарыз.
***
Әке балаға сыншы.
***
Әкеден — ақыл, анадан — мейір.
***
Әкеден безген ұл болмас, Анадан безген қыз болмас.
***
Әке жүрегі таудан үлкен, Ана жүрегі теңізден терең.
***
Әкелі бала жаужүрек, Әкесіз бала сұмжүрек (Бұқар жырау).
***
Әкең жақсы кісі еді жел жағыңа пана еді. Анаң жақсы кісі еді жетімдерге ана еді.
***
Әкең мұрап болғанша отырған жерің ой болсын.
***
Әкеңнің өлгенін жасырсаң, көмгеңде қайтпексің?
***
Әкең өлседе әкенді көрген өлмесін.
***
Әке сөзі — оқ, Шеше сөзі — боқ.
***
Әкесі бардың арысы бар, Ағасы бардың жағасы бар, Інісі бардың тынысы бар.
***
Әкесіз жетім гүл жетім, Шешесіз жетім тұл жетім.
***
Әкесі қой баға білмегеннің баласы қозы баға алмайды.
***
Әкесі қоңыз атанғанның баласы доңыз атанады.
***
Әкесінің баласы — адамның баласы, адамның баласы — бауырың.
***
Әкесі оқ атпағанның баласы боқ атпайды.
***
Әкесі өлгеңді де естіртеді.
***
Әкесі сыйламаған кісіні — баласы сыйламайді.
***
Әке тұрып бала сөйлесе — ер жеткені, Шеше тұрып қыз сөйлесе — бой жеткені.
***
Әке ұрған ұл оңар, Шеше ұрған қыз оңбас.
***
Сайына қарай саласы, Әкесіне қарай баласы.
***
Әке көрген – оқ жонар.
